Бо таъсири интернет, шабакаҳои мухталифи иҷтимоӣ ва дигар воситаҳои иттилоотӣ иддае аз ҷавонони сустиродаву ноогоҳ ба доми тазвири гурӯҳҳои манфиатҷӯ афтида, ба миллату Ватани худ хиёнат менамоянд, обрӯ ва мақоми мамлакатро дар арсаи байналмилалӣ паст мегардонанд. Онҳо ҷони худро дар хатар гузошта, ба хотири ваъдаҳои бардурӯғ ҳаёти худро барбод медиҳанд ва волидайну наздиконашонро дар миёни ҷомеа шармсор мегардонанд.” Ҷавононе, ки ба бекорӣ ва муҳоҷирати меҳнатӣ гирифторанд бештар ба гурӯҳҳои террористӣ шомил мешаванд. Шахсоне, ки онхо масъул ба воридшавии ҷавонон ба гурӯҳҳои террористианд, бо суханони зебо ва боварикунонанда сухан мегӯянду мафкураи ҷавонони соддаро ба пуррагӣ иваз мекунанд ва онҳоро чун ашё барои нафъи худ истифода мебаранд. Дар лаҳзаҳои ҳассос барои ҳар яки мо зарур аст, ки аз як гиребон сар бароварда ҳамеша роҳи дӯстиву рафоқату якдилиро пеш гирем. Бинобар ин, агар мо воқеан ҳам хоҳиш дошта бошем, ки наслҳои ояндаи башарият дар фазои эътимоду боварӣ ва ҳусни тафоҳум зиндагӣ кунанд, бояд аз муқобилгузории тамаддунҳо даст кашем, инсонро ба ғарбию шарқӣ, сиёҳпӯсту сафедпӯст, осиёиву аврупоӣ, мусулмону масеҳӣ ҷудо накунем ва падидаҳои ҳама гуна тамаддунро чун як узви томи тамаддуни башарӣ баррасӣ намоем. Ислом низ ба зоти хеш чун оини масеҳӣ, буддоӣ, яҳудӣ, зардуштӣ ва дигар мазҳабҳои ҷаҳонӣ як дастоварди бузурги тамаддуни башарист. Аз ин лиҳоз терроризм ва ифротгароиро аз ниқобҳои сиёсӣ ва динӣ ҷудо карда, ҳадафҳои сиёсӣ, манфиатҳои гурӯҳӣ, шиорҳои авомфиребона ва ғаразҳои инсонбадбинии онҳоро ошкоро баён кардан ва аз истифодаи истилоҳҳои «терроризми исломӣ», «экстремизми исломӣ» худдорӣ намудан зарур аст”. Барои пойдории сулҳу субот, оромиву осудагӣ дар Тоҷикистони азизамон фикр мекунам, ки яке аз роҳҳои асосии мубориза зидди терроризм ин дар ҷавонон пайдо кардани ҳисси ватанхоҳиву меҳанпарастӣ мебошад. Халқи тоҷик аз қадимулайм тамоми фарозиву нишебиҳои таърихро убур карда, барои расидан ба озодӣ, ки неъмати бебаҳо, кафили пешрафт ва шарти барои миллат мебошад ҷоннисориҳои зиёде кардааст. Насли ҷавони имрӯза низ бояд барои пойдории амнияти имрӯзаи Тоҷикистон бо зуҳуроти номатлуби ҷомеа аз ҷумла терроризму экстремизм мубориза баранд ва саъю кӯшиш намоян, то ки сулҳу суботи тоҷикон пойдор бошад.
Сабтҳои охирин
Ифтитоҳи муассисаи таҳсилоти миёнаи умумии №4 дар Ҷамоати деҳоти Лоҳутӣ
ИФТИТОҲИ МУАССИСАИ ТАҲСИЛОТИ МИЁНАИ УМУМИИ №4 ДАР ДЕҲАИ ЛОҲУТИИ НОҲИЯИ ХОВАЛИНГ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Ховалинг нахуст Муассисаи таҳсилоти миёнаи умумии рақами 4-ро дар деҳаи Лоҳутии Деҳоти Лоҳутии ноҳия мавриди баҳрабардорӣ қарор доданд. Муассисаи мазкур дар доираи иқдомҳои созанда ва пуштибонӣ аз сиёсати бунёдкоронаи Президенти […]
Ҷавонон зиди террор!
Чуноне, ки Президенти кишвар, Пешвои муаззами миллат доимо таъкид медоранд «Истиқлолият неъмати бебаҳо ва ниҳоят пурарзишест, ки халқи тоҷикро соҳиби комили ҳуқуқи сарнавишти хеш намуд». Пас месозад ҳар як фарди ватанхоҳ зери сиёсати ин вориси арзандаю хештаншинос гомҳои арзанда ва созанда бигзорад. Дар воқеъ ҳисси баланди ватандусти, худшиносӣ ва меҳанпарастӣ метавонад моро дар назди башарият […]