Раиси ноҳияи Ховалинг, муҳтарам Набизода Фаррухиддин Амрудин бо мақсади шиносоӣ аз ҳолати зимистонгузаронӣ ва раванди захираи сӯзишворӣ, аз як қатор муассисаҳои таълимии ноҳия боздид ба амал овард.
Зимни боздид масъулин оид ба сатҳи омодагии муассисаҳо ба мавсими сармо, таъмиру навсозии системаи гармидиҳӣ ва захираи маводи сӯзишворӣ гузориш доданд. Раиси ноҳия барои таҳкими тадбирҳо ҷиҳати таъмин намудани муҳити муносиб барои таълиму тарбия дар фасли зимистон дастурҳои мушаххас дод.
Инчунин таъкид гардид, ки масъулини соҳа фаъолона корҳои омодагӣ ба мавсими сарморо идома дода, бехатарӣ ва шароити мусоиди хонандагонро таъмин намоянд.
