30 октябр дар майдони Парчами ноҳияи Ховалинг даври ноҳиявии Фестивали вилоятии «Либоси миллӣ-осори тамаддуни ҷаҳонӣ» бо шукуҳу шаҳомати хос баргузор гардид, ки дар он бонувон аз 5 ҷамоати шаҳраку деҳот, ташкилоту муассисаҳо, муҳассилини муассисаҳои таълимӣ, донишҷӯёну омӯзгорони Коллеҷу Литсейи касбии ноҳия бо иштироки фаъолонаашон либосҳои миллии тоҷиконаро тавассути роҳпаймоӣ муаррифӣ намуданд.Ёдовар мегардем, ки баргузории фестивал яке аз тадбирҳои гиромидошти арзишҳои асили фарҳангӣ буда, он ба тарғибу ташвиқи либоси миллӣ пешгирии бегонапарастӣ, баланд бардоштани мақому манзалати нақшу нигор, сӯзанзаниву гулдузӣ ва матоъҳои миллӣ равона гардидааст.
Дар чорабинӣ масъулини мақомоти иҷроияи ҳокимияти давлатии ноҳия ва вилоят баромад намуда, иброз доштанд, ки либоси миллӣ оинае аст, ки дар он фарҳанги миллии мо инъикос ёфтааст. Либоси миллӣ ёдгоре аз аҷдодонамон аст, ки дар тули қарнҳо шинамиву зебогиашро гум накардааст. Гуфта шуд, ки зан ва модари тоҷик дар ҳама давру замон посдори оину анъанаҳои муқаддаси халқу миллат ба шумор мераванд.
Аз ин ру, онҳоро зарур аст, ки дар тарғибу ташвиқи либоси миллӣ, тарбияи ватандӯстии ҷавонон, баланд бардоштани маърифати ҳуқуқии шаҳрвандон аз ҷумла дар руҳияи худшиносию худогоҳӣ тарбия намудани ҷавондухтарон саъю талош намоянд.
Дар ҷамъомад ба як зумра фаъолзанону духтарони ҳунарманд Сипосномаи Мақомоти иҷроияи ҳокимияти давлатии ноҳияи Ховалинг ва туҳфаҳои хотирмон супорида шуданд.Барномаи рангини ҳунарӣ бо шеъру таронаҳои ватандӯстона пешкаши ҳозирин гардид.
и ещё 3
Нравится
Комментировать
Отправить
Поделиться
