Ҳозирини муҳтарам, кӯдакону наврасон ва хонандагони азиз!
Даврони кӯдакию наврас давраи поку беолоиш ва нотакрори ҳаёти инсон буда, ҳар як фард баъди ба камол расидан ин муамморо амиқтар дарк менамояд. Дар ҳама манотиқи курраи замин ба ҳуқуқҳои фитрии инсон, ки маҳз аз овони кӯдакӣ сарчашма мегиранд, мардуми сайёра арч мегузоранд. Дар саросари олам имрӯз, яъне 1- июн ҳамчун «Рӯзи байналмиллалии ҳифзи кӯдакон» қайд гардиданаш ҳам исботи ҳамин гуфтаҳост.
- Ба ин муносибат ҳамаи Шумо наврасон ва дар симоятон тамоми кӯдакону наврасони ноҳияро самимона табрик намуда, бароятон осмони софу беғубор, хониши аъло ва тамоми хӯшиҳои давраи кӯдакиро тамано дорам. Имрӯз дар сатҳи Чумҳурӣ қарору барномаҳои махсус ва Комиссияҳо оид ба ҳимояи ҳуқуқи кӯдаки назди Ҳукумати Чумҳурии Точикистон таъсис дода шуда, чунин комиссияҳо дар сатҳи мақомотҳои ичроияи ҳокимияти давлатии вилоят ва ноҳияҳо низ ба тавсиб расидаанд, ки муносибатҳои гуногуни чамъиятиро дар соҳаи ҳимояи ҳифзи ҳуқуқи кӯдак, ба танзим медароранд.
- Барои бозҳам рангин шудани фароғати кӯдакон намоиши маҳсули дастии хонандагони муассисаҳои таълимии маркази ноҳия ба маърази тамошо гузошта шудааст, ки дар байни онҳо ихтирооти толибилмони ноҳия низ ба чашм мерасанд.
- Имрӯз бахшида ба Рӯзи байналмиллалии кӯдакон баҳри истироҳату фароғати Шумо-кӯдакону наврасон, аз тарафи мактаби санъати бачагонаи бахши фарҳанг ва дастаҳои ҳаваскорони муассисаҳои таълимӣ намоиш ва барномаи консертии идона пешкаш мегардад.
- Ба муносибати тачлили сазовору арзанда ва боз ҳам рангину пурмазмун гузаронидани чорабинии Рӯзи кӯдакон тибқи нақшаи чорабиниҳо дар сатҳи ноҳия озмунҳои гуногуни фарҳангию маънавӣ ва варзишӣ, аз қабили «Расоми беҳтарин», «Дастони моҳир», «Ровии беҳтарин» «Сарояндаи беҳтарин», «Ихтироъкори беҳтарин» Китобхони беҳтарин» гузаронида шудааст, ки ба ғолибон ҳамчун рамзи ҳавасмандгардонӣ тӯҳфаҳо супорида мешавад.
- Хушбахтона чашни Рӯзи кӯдакон ҳамасола ба чорабинии муҳими дигар, чамъбаст намудани соли хониш ва таътили тобистона баромадани шумо наврасон рост меояд.
- Аз фурсати муносиб истифода намуда, ҳамаи шумо шогирдони азизро ба анчоми соли хониши 2024-2025 ва оғози таътили тобистона табрик гуфта, дар аттестатсияҳои аз синф ба синф гузари ва хатм, ҳам дар сатҳи мактаби миёна ва ҳам дар маркази миллии тести, барои дохил шудан ба Донишгоҳ ва Донишкадаҳои олии кишвар, мувафаққият ва дониши аълоро таманно дорам.
- Фарзандони азиз! Чомеаи мо имрӯз ба наврасону чавонон ва кадрҳои болаёқат, донишманд ва пеш аз ҳама ба донандагони илмҳои дақиқ, воситаҳои муосири технологӣ, компютер ва навгониҳои соҳаҳои гуногуни ҳаёт, ки пешравию тараққиёти Ватани азизамон аз он вобастааст, эҳтиёчи хеле калон дорад.
- Мақомоти ичроияи ҳокимияти давлатии ноҳия барои таъмини шароити таълим аз тамоми имкониятҳо истифода намуда, баҳри дар сатҳи баланди инсондустиву меҳанпарварӣ тарбия намудани шумоён ба ҳама намуди кӯмак доимо омода аст. Дар охир бори дигар «Рӯзи ҳифзи, кӯдакон» -ро ба ҳамаи шумо табрик намуда, бароятон осмони софу беғубор, орзуҳои ширини айёми кӯдаки ва таътили бофароғатро таманно дорам.
- Ид муборак наврасону хонандагони азиз!
