Дар арафаи ҷашни 28 солагии Ваҳдати миллӣ ва дар радифи иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон инчунин иҷрои босифати бандҳои нақша-чорабиниҳо ҷиҳати дар сатҳи баланд ва сазовор ҷашн гирифтани 35-солагии Истиқлоли давлатии Ҷумҳурии Тоҷикистон, санаи 26 июн дар маҳаллаи “8 март”-и Ҷамоати шаҳраки Мунк мағозаи озуқаворӣ ки аз ҷониби соҳибкор Хоҷаев Абдулваҳҳоб ба маблағи беш аз 200 ҳазор сомонӣ бунёд шудааст, бо иштироки роҳбарияти мақомоти иҷроияи ҳокимияти давлатии ноҳия мавриди баҳрабардорӣ қарор гирифт.
Сохтмони мағозаи мазкур тибқи талаботҳои меъморӣ ва шаҳрсозӣ аз ҷониби ширкати сохтмонии маҳаллӣ анҷом дода шуда, 3 нафар бо ҷойи кори доимӣ таъмин карда шуданд.
Баъдан Раиси ноҳия ва ҳамроҳонаш дар маҳаллаи “Мирзо Турсунзода”-и Ҷамоати зикршуда иншооти дигари муҳими маиширо ифтитоҳ намуданд.Иншооти мазкур дорои ошхона, кошонаи ҳусн, сартарошхона, толори саққобозӣ ва мағозаи молҳои ниёзи мардум мебошад ва дар он метавонад то 20 нафар бо ҷои кори доимӣ таъмин гарданд.
