Дар арафаи таҷлили 28 солагии ҷашни Ваҳдати миллӣ бо ибтикори Мақомоти иҷроияи ҳокимияти давлатии ноҳияи Ховалинг дар кучаву маҳалла ва деҳаҳои ҳудуди ноҳияи Ховалинг шанбегии умуминоҳиявӣ ташкил ва баргузор карда шуд.
Дар корҳои ободонӣ кормандони ташкилоту муассисаҳо ва сокинони ноҳия фаъолона ширкат варзида бо истифода аз техникаҳои махсус, аз ҷумла эксковатор ва техникаи калони боркаш каналҳо ва партовҳоро пурра тозаву озода намуданд. Инчунин ҷӯйборҳои атрофи шаҳраку маҳаллаҳоро тоза намуда, девору биноҳои истиқоматӣ рангубор карда шуданд.
Ёдовар мегардем ки дар таъмини сӯзишворӣ ва маҳсулотҳои рангуборкунӣ саҳми соҳибкорони маҳалӣ аз ҷумла саҳми соҳибкори бо нангу ори ноҳия Зафар Сафаров низ назаррас аст.
