Тоҷикистон кишвари доимбаҳори Ваҳдат аст.
Сарзамини босафои зарнисори Ваҳдат аст.
Ганҷу зар дорад фузун дар синаи покаш ниҳон,
Рӯи хонаш меваҳои шаҳдбори Ваҳдат аст.
Нораку Роғун мунаввар мекунад шабҳои мо,
Офтобе дар самои беғубори Ваҳдат аст.
Дар Душанбе, рӯзу шаб фарқе надорад онқадар,
Чун мунаввар аз чароғи шӯълабори Ваҳдат аст.
Ҷаннати рӯи замин гӯям туро бо ифтихор,
Тоҷикистон, Тоҷикистон чун диёри Ваҳдат аст.
Ғайбати садсола ҳам аз ёди ёрон рафта аст,
Дар забони марду зан гуфту гузори Ваҳдат аст.
Шоири дилдодае аз шавқ мегӯяд сухан,
Дар забонаш шеъри зебое шиори Ваҳдат аст.
Ибодуллоҳи Солеҳ.
