Чорабинии тантанавӣ бахшида ба Рӯзи Ваҳдати миллӣ таҳти унвони “НАҚШИ ПЕШВОИ МИЛЛАТ ДАР ПОЙДОРИИ СУЛҲУ ВАҲДАТ ВА РИЗОИЯТИ МИЛЛӢ”, дар ноҳияи Ховалинг бо иштироки Директори Агентии мазкур муҳтарам Шералӣ Хоҷазода ва раиси ноҳияи Ховалинг муҳтарам Набизода Ф.А. баргузор гардида, қайд карда шуд, ки Тоҷикистон, яке аз кишварҳои ободу зебо ва тинҷу ором маҳсуб ёфта, ҳамасола дар ин сарзамини биҳиштосо санаи 27 – уми июн Рӯзи Ваҳдати миллӣ ҳамчун як рӯзи фаромӯшнашаванда ҷашн гирифта мешавад. Ин рӯз аҳамияти муҳими таърихӣ ва фарҳангӣ дошта, рамзи ягонагӣ ва ҳамбастагии байни гурӯҳҳои гуногуни этникӣ мебошад, ки асоси ҷомеаи Тоҷикистонро ташкил медиҳанд. Мазмуни таърихӣ сарчашмаи таҷлили Рӯзи Ваҳдати миллӣ ба лаҳзаи тағйирёбанда дар таърихи навини Тоҷикистон рост меояд, ки фазои сулҳу соботи осоиштаи кишвари азизамонро инъикос менамояд.
Дар ин радиф дар идомаи чорабини мазкур як қатор роҳбарон ва масъулни соҳа бо сипосномаи Агентии ҳифзи мероси таърихиву фарҳангии назди Ҳукумати Ҷумҳурии Тоҷикистон сарфароз гардонида шуданд.
