Дар якҷояги ва ҳамдили ин “вабои аср” -ро нест хоҳем кард.

Аввалан бояд қайд намоем, ки воқеан саломатии аҳоли ин боигарии давлат мебошад. Дар ҳақиқат имрӯзҳо паҳншавии ин беморӣ дар сархати  тамоми расонаҳои ҷаҳон қарор дорад. Албатта  ин «вабои аср » дар Тоҷикистони азизи мо низ ба қайд гирифта шудааст.  Ҳамагон   огоҳӣ доранд, ки  бемории сироятии коронавирус нави КОВИД -19  бо роҳи қатрагӣ – ҳавоӣ ва алоқавӣ  (даст фишурдан, даст расонидан  ба ашёи сироятнок ва ғайра)  паҳн мегардад.  Вазири тандурустӣ  ва ҳифзи иҷтимоии  аҳолии Ҷумҳурии Тоҷикистон Ҷамолиддин Абдулозода аз ҳамкориҳои  мутақобилаи судманди  Ҷумҳурии Тоҷикистон  ва кишвари Полша ёдовар шуда,   ташрифи табибони ин кишварро  ба мамлакат идомаи  ҳамкориҳои мутақобилан судманди ду кишвар арзёби менамояд . санаи 10- уми июни соли равон як гуруҳ мутахасситсони соҳаи  тибби кишвари Полша  аз Муассисаҳои давлатии «Беморхонаи клиники шаҳрии бемориҳои кудакона » боздид  ба амал оварданд. Дар рафти вохури ҷонибҳо масъалаҳои  пешгирӣ  ва табобати  беморони коронавирус нави КОВИД  – 19-ро  мавриди баррасӣ қарор доданд. Зикр гардид, ки  ҳадаф ва мақсади ташрифи  табибони Полша  ба Тоҷикистон табодули  таҷрибаи онҳо  ба ҳамтоёни тоҷики хеш ҷиҳати  пешгирӣ  ва табобати  бемории КОВИД- 19  мебошад. Ин гурӯҳи табибони Полша  ба манотиқи гуногуни Тоҷикистон сафар карда, тайи як моҳ дар беморхонаву муассисаҳои табобатии мамлакат  бо табибони тоҷик  табодули таҷриба менамоянд. Ҳукумати Ҷумҳурии Тоҷикистон,  Вазорати Тандурустӣ  ва ҳифзи иҷтимоии аҳолӣ  ва дигар сохторҳои марбута  тамоми талош ва кӯшишҳои  худро  дар роҳи  пешгирии  бемории вируси нави КОВИД-19  равона карда  истодаанд  то ҳарчи зудтар  пеши роҳи он  гирифта шавад.