Ноҳияи Ховалинг
Раиси ноҳияи Ховалинг
Мирзозода Музафар Бурҳон
(дар ин вазифа аз 1 майи соли 2023)
Аҳолӣ – 60,5ҳазор нафар
Ҷамъи заминҳои ноҳия – 173,8 ба як нафар 2,9 га
Аз ҷумла;
Заминҳои обӣ – 2493, ба як нафар 0,04 га
Ҷамъи заминҳои корам – 8161, ба як нафар 0,14 га
Аз ҷумла корами обӣ – 2314, ба як нафар 0,04 га
Шумораи Ҷамоати шаҳрак – 1
Шумораи Ҷамоатҳои деҳот – 4
Шумораи иҷлосияҳои Маҷлиси вакилони халқ – 6
Шумораи қарорҳои қабул намудаи раис – 648
Шумораи эътирозҳои прокуратура – 20
ҶУМҲУРИИ ТО ҶИКИСТОН
ВИЛОЯТИ ХАТЛОН
МАҚОМОТИ ИҶРОИЯИ ҲОКИМИЯТИ ДАВЛАТИИ НОҲИЯИ ХОВАЛИНГ
_________________________________________________________________________________________________________________________________________________________________________________________________________________________________________________________________________________________________
735350, ш.Ховалинг, к.И.Сомон ӣ-1, (8331720) 2-75 umumihovaling@mail.ru
Аз «______» _______________ соли 2023, №______ ш.Ховалинг
Мақомоти иҷроияи ҳокимияти давлатии вилояти Хатлон
Вазъи иҷтимоӣ ва иқтисодии ноҳияи
Ховалинг дар соли 2023
Мақомоти иҷроияи ҳокимияти давлатии ноҳияи Ховалинг ба иттилои Шумо мерасонад, ки дар соли 2023 аз ҷониби раёсату кумитаҳо, шӯъбаю бахшҳо, ҷамоатҳои шаҳраку деҳот, хоҷагиҳо ва ташкилоту муассисаҳои ноҳия, новобаста аз шакли моликият, ҷиҳати амалӣ намудани дастуру супоришҳо, ки аз Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бармеояд ва дар заминаи дастуру супоришҳои Сарвари давлат аз маҷлисҳои ҷамъбасти натиҷаҳои рушди иҷтимоию иқтисодии мамлакат, қонунҳои амалкунандаи Ҷумҳурии Тоҷикистон, қарорҳои Маҷлиси Олии Ҷумҳурии Тоҷикистон ва амру қарорҳои раиси вилояти Хатлон, корҳои муайянро ба иҷро расониданд.
Иҷрои буҷет:
Мувофиқи маълумоти раёсати молия ва нозироти андоз дар соли 2023 нақшаи қисми даромади буҷети ноҳия бо дар назардошти андози иҷтимоии ғайрибуҷетӣ ба андозаи 116.4 фоиз иҷро гардид, яъне ба ҷойи 42633.1 ҳазор сомонӣ, 49630.9 ҳазор сомонӣ ҷамъоварӣ гардид, ки нисбати нақшаи муайянгардида 6997.8 ҳазор сомонӣ зиёд мебошад. Даромадҳои худӣ яъне андозҳои маҳаллӣ бошад ба ҷойи 36330.0 ҳазор сомонӣ, 39876.3 ҳазор сомонӣ ҷамъоварӣ гардид, ки 109.8, ё ин ки нисбат ба нақша 3546.3 ҳазор сомонӣ зиёд мебошад. Ин нишондод дар нуҳ моҳи соли ҷорӣ мутаносибан 86,8 фоиз ва фарқият 2384,9 ҳазор сомониро ташкил медод.
Қисми хароҷоти буҷети ноҳия 99 фоизро ташкил медиҳад. Дар соли ҷорӣ 56235.1 ҳазор сомонӣ муқаррар шуда, 55719.1 ҳазор сомонӣ маблағгузорӣ карда шудааст.
Аз ҷумла, сектори ҳокимият ва идоракунии давлатӣ 100 фоиз, маориф 100 фоиз, нигоҳдории тандурустӣ 98 фоиз, суғуртаи иҷтимоӣ ва ҳифзи иҷтимоӣ 100 фоиз, хоҷагии манзилию коммуналӣ 100 фоиз, фарҳанг 96 фоиз ва кишоварзӣ 100 фоиз маблағгузорӣ карда шудааст.
Ба ҳолати 1 январи соли 2024 қарзи корхонаю ташкилотҳо аз ҳисоби андозҳо 2659.7 ҳазор сомониро ташкил дод, ки нисбати аввали сол ба маблағи 8.6 ҳазор сомонӣ камгардидааст.
Дар соли ҷорӣ, аз тарафи Филиали бонкҳои дар ноҳия амалкунанда ба соҳаи кишоварзӣ 6,5 млн сомонӣ, соҳибкорӣ ва сохтмон 7,5 млн сомонӣ, муҳоҷирати меҳнатӣ ва истеъмолӣ 11,5 млн сомонӣ, ҳамагӣ ба маблағи 25,5 млн сомонӣ қарзҳо дода шудааст, ки нисбати ҳамин давраи соли гузашта 1,7 млн. сомонӣ зиёд мебошад.
Соҳибкорӣ ва сармоягузорӣ:
Дар қайдинозиротиандозиноҳия 2995соҳибкор ба қайдгирифташуда, аз он 355нафарҳамчуншахсониҳуқуқӣ, 111 нафартибқишаҳодатнома, 69 нафартибқи патент, 213нафартариқишаҳодатнома бо шартҳоимахсус ва 2247ҳамчунхоҷагиҳоидеҳқонӣфаъолиятдоранд.
Дар ноҳия 5 лоиҳаҳои давлатии сармоягузорӣ амалӣ шуда истода, маблағи азхудкардашуда 4,1млн доллари америкоиро ташкил медиҳад. Дар давраи ҳисоботӣ бо ҷалби сармояи хориҷӣ,аз ҷумла маблағҳои грантии Бонки Ислимии Рушд дар ҳаҷми 2,1 млн доллари америкоӣ сохтмони бинои нави беморхонаи марказии ноҳия идома дорад..
Мушкилот:
-ҷудо нагардидани грантҳо ва маблағҳои қарзӣ бо фоизи паст барои дастгирии соҳибкорон аз тарафи филиали бонкҳои ноҳиявӣ, оид ба бунёди корхонаҳои хурди истеҳсолӣ ва барқарорсозии иқтидори истеҳсолии корхонаҳо.
Саноат ва энергетика:
Ҳаҷми истеҳсоли маҳсулоти саноатӣ дар давраи ҳисоботӣ ба372386.2 ҳазор сомонӣ расонида шуда, нисбати ҳамин давраи соли гузашта 34283.5 ҳазор сомонӣ зиёд буда, 110,1 фоизро ташкил медиҳад.
Тибқи маълумотҳои оморӣ дар ноҳия фаъолияти 5 адад корхонаҳои саноатӣ қатъ гардидааст. Аз ҷумла, Ҷамъияти дорои масъулияти маҳдуди “Абдулазиз”, “Союз Зар”, “Гули Мурод”, “Исроил-2011” ва “Сиккаи Кангуртӣ”.
Ҳаҷми истеҳсоли орд ба 4589,1 тонна, нон ва маҳсулоти нонӣ ба 341,5 тонна расонида шудааст.
Дар давраи ҳисоботӣба ноҳия 102761.3 ҳазор кВт соат қувваи барқ интиқол гардида, талафоти неруи барқ ба 33.9 фоиз баробар аст.
Дар давраи ҳисоботи талафоти неруи барқ нисбат ба ҳамин давраи соли гузашта ба 3.0% кам гардида, қарзи умумии истифодаи қуваи барқ ба ҳолати 1 январи соли ҷорӣ 22496.3 ҳазор сомониро ташкил медиҳад, ки нисбати ҳамин давраи соли гузашта 3985.7 ҳазор сомонӣ зиёд мебошад.
Ба аҳолӣ ва ташкилоту муассисаҳо 67870,0 ҳазор кВт соат барқи фоиданок ба маблағи 26465,1 ҳазор сомонӣ таъмин карда шудааст.
Ҷамъоварии маблағи неруи барқи истифодашуда 22498,4 ҳазор сомонӣ ё 85 фоизро ташкил дод, аз ҷумла аз ҳисоби аҳолӣ 4655,3 ҳазор сомонӣ ё 96,2 фоиз.
Мушкилот:
-бо бунёд ёфтани деҳаҳои нав дар ҳудуди шаҳраку деҳоти ноҳия нарасидани трансформаторҳо, симчубҳо ва ноқилҳо барои кашидани хати барқ.
-набудани зеристгоҳи 110 кВт дар деҳаи Чанори ҷамоати деҳоти Лоҳутӣ.
Сохтмон:
Сармоягузорӣ дар соҳаи сохтмон дар соли равон, 39744.7 ҳазор сомонӣ иҷро гардидааст, ки нисбат ба ҳамин давраи соли гузашта13018.7 ҳазор сомонӣ зиёд (148.7 %) мебошад.
Корҳои сохтмону васлгарӣ ба маблағи 33891.5 ҳазор сомонӣ иҷро шуд, ки нисбат ба ҳамин давраи соли гузашта 11705.1 ҳазор сомонӣ зиёд (152,8%) мебошад.
Корҳои пудратӣ ба маблағи 11027,1 ҳазор сомони иҷро гардидааст, ки нисбат ба соли гузашта 100 фоизро ташкил медищад.
Дар масоҳати 5872 метри мураббаъ манзилҳои истиқоматӣ мавриди истифодабарӣ қарор дода шудааст, ки 101,1 фоизи ҳамин давраи соли гузаштаро ташкил медиҳад
Мушкилот:
-дастрас набудани воситаҳои техникии соҳавӣ ва кам будани коргоҳҳои истеҳсолкунандаи масолеҳи сохтмонӣ.
Нақлиёт ва алоқа:
Дар тавозуни Муассисаи давлатии нигаҳдории роҳҳои автомобилгарди ноҳия 226,4 км роҳҳо мавҷуд мебошад, ки аз ин110,7 км роҳҳои аҳамияти ҷумҳуриявӣ ва 115,7 км роҳҳои аҳамияти маҳаллидошта мебошанд.
Аз ҳисоби буҷети маҳаллӣ барои таъмири роҳҳои маҳаллӣ ва бартарафсозии офатҳои табиӣ 380,0 ҳазор сомонӣ, аз буҷетӣ ҷумҳуриявӣ барои таъмир ва нигоҳдории роҳҳои аҳамияти ҷумҳуриявидошта 335,5 ҳазор сомонӣ ҷудо ва мақсаднок харҷ карда шудааст.
Дар соли ҷорӣҳаҷми боркашонӣ ба 455,1 ҳазор тонна (126,4 фоиз), гардиши боркашонӣ ба 21829,1 ҳазор тонна/км (125,8 фоиз), мусофиркашонӣ ба 850,5 ҳазор нафар (112,8 фоиз), гардиши мусофиркашонӣ ба 25300,0 ҳазор нафар/км (118,8 фоиз) баробар гардид.
Мушкилот:
-муассисаи нигоҳдории роҳҳои автомобилгарди ноҳия ба автомашинаи борбардор (кран), автомашинаи боркаши соҳавӣ ва грейдер ниёз дорад.
Кишоварзӣ:
Дар давраи ҳисоботӣ ҳаҷми маҳсулоти умумии кишоварзӣ дар ҳамаи шаклҳои хоҷагидории ноҳия, ба 351.2 млн сомонӣва дар муқоиса ба ҳамин давраи соли гузашта 23.2млн сомонӣ зиёд таъмин гардидааст.
Соли 2023 дар ҳамаи шаклҳои хоҷагидорӣ дар майдони 8,2 ҳазор гектар кишти зироатҳои кишоварзӣ анҷом дода шуд, ки нисбати ҳамин давраи соли гузашта100 фоизро ташкил медиҳад.
Аз кишти анҷомдодашуда ғалладонагӣ ва лўбиёгиҳо 6377 гектар, зироатҳои техникӣ492 гектар, картошка 461,5 гектар, сабзавот 342,2гектар, полизӣ 36 гектар ва зироатҳои хўроки чорво 719 гектарро дар бар мегирад.
Дар ин давра, саршумори чорвои калон 27823 сар, аз ҷумла модагов 11217 сар, гўсфанду буз41837, парранда 33969 сар ва асп ба 2227 сар расонида шудааст, ки нисбат ба ҳамин давраи соли гузашта саршумори чорвои калон 1567 (106%) сар, аз ҷумла модагов 682 (106,5%) сар, гўсфанду буз 3592 (109,4%) сар, паранда 1290 (103,9%) сар, ва асп 49 (102,2%) сар зиёд гардидааст.
Истеҳсоли маҳсулоти ғалладонагӣ 12178 тонна, картошка 8060 тонна, сабзавот 6694,7 тонна, полизӣ 706 тонна, мева 9570 тонна, ангур 170 тонна, гўшт 1841 тонна, шир 7782 тонна, тухм 1млн 496,1 ҳазор дона, пашм 40,9 тонна, пилла 0,8 тонна, асал 75,5 тонна ва моҳӣ 2 тоннаро ташкил додааст, ки нисбат ба соли 2022 ғалладонагиҳо 85,8 фоиз, картошка 84,4 фоиз, сабзавот 103.1 фоиз, полизӣ 101,2 фоиз, мева 108,7 фоиз, ангур 66,1 фоиз, гўшт 120.0 фоиз, шир 106 фоиз , тухм 106,8 фоиз, пашм 104,8 фоиз, асал 101,3 фоиз ва моҳӣ 100 фоизро ташкил медиҳад.
Дар соли 2023 аз ноҳия 1112 тонна маҳсулоти кишоварзӣ содирот карда шудааст, ки нисбати нақшаи пешбинишуда 101 фоизро ташкил медиҳад.
Меҳнат, муҳоҷират ва шуғли аҳолӣ:
Дар давраи ҳисоботӣ аз ҷониби шуъбаи Агентии меҳнат ва шуғли аҳолии ноҳия 18-ярмаркаи ҷойҳои кории холӣ бо пешниҳоди 1669 ҷой гузаронида шудааст.
Барои пайдо кардани ҷойи кори доимӣ муроҷиати 919 нафар ба қайд гирифта шудааст, аз ин шумора 325 нафарро занҳо ташкил медиҳад. Аз теъдоди умумии муроҷиаткардагон 793 нафар бо ҷойи кор таъмин шудаанд.
Барои рушди соҳибкории шахсони бекор ба 19-нафар ба маблағи 80,0ҳазор сомонӣқарзи имтиёзнок дода шуд, ки аз ин 13 – нафараш зан мебошад.
Музди миёнаи меҳнати кормандони ноҳия 1961,4 сомониро ташкил медиҳад, ки нисбати ҳамин давраи соли гузашта 242,64 сомонӣ, (114.1%) зиёд мебошад.
Шумораи муҳоҷирон дар соли ҷорӣ 1511 нафарро ташкил намуд, ки нисбати ҳамин давраи соли гузашта 1 нафар кам буда, аз он 74 нафарашро зан ташкил медиҳад.
Дар ин давра аз хориҷи кишвар тари қи бонкҳо 6 млн 979,5 ҳазор сомонӣ ворид гардидааст, ки нисбати ҳамин давраи соли гузашта 19 млн 047,9ҳазор сомонӣ кам мебошад.
Мушкилот:
-набудани идораи маъмурии Агентии меҳнат ва шуғли аҳолӣ;
-кам будани ҷойҳои кори доимӣ, бинобар набудани корхонаҳои саноатию истеҳсолӣ.
Суғуртаи иҷтимоӣ ва нафақа:
Шумораи нафақахўрон дар давраи ҳисоботӣ дар ноҳия 4765 нафар ва талаботи моҳонаи онҳо 1856,9 ҳазор сомонӣ ташкил медиҳад, ки аз ин 2554 нафар аз рўи нафақаи пиронсолӣ, 471 нафар аз рўи маъюбии меҳнатӣ, 150 нафар бесаробон, 3 нафар барои хизматҳои махсус мебошад. Шумораи нафақахўрони нафақаи иҷтимоӣ ба 1587 нафар расидааст.
Нафақаи миёна дар соли ҷорӣ 390 сомониро ташкил дода, нафақапулиҳои нафақагирон дар давраи ҳисоботипурра пардохт карда шудааст.
Дар соли 2023 аз ҳисоби мақомоти иҷроияи ҳокимияти давлатии ноҳия, ташкилоту муассисаҳо ва шахсони саховатпеша ба маблағи 852,3 ҳазор сомонӣ кӯмакҳои молию пулӣ ба ятимону бепарасторон ва шахсони ниёзманд расонида шудааст.
Мушкилот:
-набудани истироҳатгоҳҳо ва марказҳои хизматрасонӣ барои маъюбону пиронсолон.
Маориф ва илм:
Дар сиёсати имрўзаи Ҳукумати Ҷумҳурии Тоҷикмстон давлат, соҳаи маориф яке аз соҳаҳои калидӣ ба ҳисоб рафта, дар 54 адад муассисаҳои таълимии ноҳия 12,8 ҳазор нафар хонанда ба таҳсил фаро гирифта шуда ба онҳо 884 омўзгор, аз ин 371 нафар занон таълим медиҳанд. Аз шумораи умумии омӯзгорон 559 нафар бо маълумоти олӣ, 313 нафар бо маълумоти олии нопурра ва миёнаи махсус фаъолият мекунанд.
Маблағгузорӣ ба соҳаи маориф 58 фоизи буҷетиноҳияродарбаргирифта, соҳа дар соли ҷорӣ 28260,5 ҳазор сомонӣ маблағгузорӣ гардидааст.
Дар муассисаҳои таҳсилоти томактабӣ 75 нафар ва дар назди 50 маркази инкишофи кўдакони муассисаҳои таълимӣ 1368 нафар, дар маҷмўъ 1443 кўдаки синни то шашсола ба таълим фаро гирифта шудааст.
Дар соли 2023 ба рафти олимпиадаҳои фаннӣ хонандагон дар даври ҷумҳуриявӣ ва вилоятӣ фаъолона иштирок намуда, 69-нафар сазовори ҷойҳои ифтихорӣ гардиданд, ки аз ин шумора 8- нафар сазовори медали тилло, 18-нафар медали нуқра, 21-нафар медали биринҷӣ ва 24 нафар соҳиби ҷойи ифтихорӣ гардиданд, ки ин нишондиҳанда нисбат ба ҳамин давраи соли 2022 мутаносибан 66,6%, 85,7% ва 87,5% ро ташкил медиҳад.
Айни замон муассисаҳои таълимии ноҳия бо 639 компютер, 51 тахтаи электронӣ ва видеопроекторҳо, 132 принтер ва 11 адад генератори барқӣ таъмин мебошанд.
Дар давраи ҳисоботӣ тавассути соҳибкорон барои муассисаҳои таълимӣ зиёда аз 160 ҷойи нишаст дар муассисаҳои таълимии № 49 ва 50 ташкил карда шуд.
Мушкилот:
– аз таъмири асосӣ баровардани бинои шуъбаи маориф;
-азнавсозиӣ муассисаи таълимӣ миёнаи умуми №8, №14, №17 ва №25 сохтмонӣ синфхонаҳои иловагӣ дар муассисаи таълимӣ №3, №10, №12, №13, №15, ва №23;
-омӯзгорони маълумоти олидори фанҳои забони англисӣ 2 нафар, риёзӣ ва физика 2 нафар ва химия 2 нафар намерасанд;
-норасогии ҷои нишаст.
Тандурустӣ ва кор бо занон:
Дар соҳаи тандурустии ноҳия 57 нафар духтур бо маълумоти олӣ ва 328 нафар бо маълумоти миёнаи тиббӣ фаъолият доранд. Аз шумораи умумии духтурон 21 нафар дар беморхонаи марказӣ ва беморхонаҳои рақамӣ, 37 нафар дар маркази саломатӣ ва марказҳои саломатии деҳотӣ фаъолият мекунанд.
Дар соли ҷорӣ ба 1028 нафар эҳтиёҷмандон бо маблағи 151,1 ҳазор сомонӣ хизматрасонии тиббии ройгон расонида шудааст.
Тибқи маълумоти оморӣ дар ин давра хизматрасонии пулакӣ дар соҳаи тандурустӣ ба 243,1 ҳазор сомонӣ расонида шуд.
Дар соли ҷорӣ ҳамагӣ дар қайди маркази мубориза бар зидди бемории сили ноҳия 45 бемории сили фаъол зери назорати диспансерӣ қарор дорад.
Шумораи гирифторони бемории нашъамандӣ 29 нафар, аз онҳо 14 нафар нашъаманд ва 15 нафар майзада мебошад.
Дар ноҳия гирифторшавӣ ба вируси норасоии масъунияти одам аз давраи соли 1991 то 01.09.2023.сол, 32 нафар ба қайд гирифта шудааст, ки аз ин шумора 6 нафараш фавтиданд.
Мушкилот:
-нарасидани мутахассисони соҳибмаълумот ва таҷҳизоти муосири техникии тиббӣ ва нақлиёти хизматӣ;
-бархурдор гардидани кадрҳои соҳибихтисоси ҷавон аз дастгирию имтиёзҳои давлатӣ дар ноҳия;
-ҷудо гардидани замини наздиҳавлигии барои мутахасисони ҷавон;
Саҳми занон дар рушду пешрафт ва корҳои ободониву бунёдкории ноҳия назаррас буда, аз 29.4 ҳазор нафар занон 28 нафар дар вазифаҳои роҳбарикунанда, аз ҷумла 10 нафар вакили Маҷлиси вакилони халқи ноҳия, 27 нафар вакилони ҷамоатҳо, 594 нафар дар соҳаи маориф, 285 нафар дар соҳаи тандурустӣ, 3 нафар дар соҳаи бонкӣ, 54 нафар дар соҳаи фарҳанг, 1450 нафар дар соҳаи кишоварзӣ ва 20 нафар ба ҳайси хизматчии давлатӣфаъолият намуда, 278 нафар ба фаъолияти соҳибкорӣ машғуланд.
Мушкилот;
-кам ҷудо гардидани грантҳо оид ба ҷалби занон ба фаъолияти соҳибкорӣ.
Фарҳанг:
Дар ноҳия 34 муассисаи фарҳангӣ, қасри фарҳанг, 7 клуб, 17 китобхонаи деҳотӣ, китобхонаҳои марказӣ ва бачагона, мактаби мусиқии бачагона, 1 адад амфитеатр, осорхонаҳои таърихӣ – кишваршиносӣ ва мақоми ҷумҳуриявидоштаи ба номи “Восеъ”, 1 мамнунгоҳ, осорхонаҳои шахсии ба номи Ҳабибулло Файзулло ва Ҷурабек Назрӣ ба аҳолӣ хизмати фарҳангӣмерасонанд.
Теъдоди фонди китобҳо дар ноҳия 61,7 ҳазор нусхаро ташкил медиҳад. Аз ин шумора 30,4 ҳазор нусха китоб бо забони давлатӣ, 31,1 ҳазору нусха китоб бо забони русӣ ва 200-нусха бо дигар забонҳо мавҷуд мебошад.
Дар ин давра муассисаи фарҳангии ноҳия 95 чорабиниҳои оммавию фарҳангӣ ва сиёсӣ гузаронида, дар онҳо 15,0 ҳазор нафар тамошобин иштирок намуданд.
Мушкилот:
-таъмирталаб будани клубу китобхонаҳои деҳотӣ, набудани бинои маъмурӣ ва нақлиёти хизматии соҳавии бахши фарҳанг.
Варзиш, ҷавонон ва сайёҳӣ:
Ҷавонон дар ноҳия 21,8 ҳазор нафар, аз ин 11,1 ҳазор нафар ҷавондухтар мебошад.
Вобаста ба самти тарбияи ҳарбӣ-ватандўстӣ дар ҳамбастаги бо шуъбаву бахш ва сохторҳои марбутаи ноҳия 5 чорабиниҳои ҳарбӣ – ватандўстӣ, 3 озмуни Ватанпарвар, 7 чорабиниҳои фарҳангӣ ва 24 адад аксияҳои иттиллотӣ, аз руйи нақшаҳои хонишҳои сиёсӣ 132 суҳбату вохуриҳо бо иштироки ҷавонон ва волидайни онҳо дар мавзуҳои пешгирии ҷавонон аз ҳизбу ҳаракатҳои террористи ва экстремитсӣ, пешгирии ҷудошавии оилаҳои ҷавон, даъвати ҷавонон ба сафи қуваҳои мусалаҳи ҶТ бо фарогирии 9665 нафар ҷавонону ихтиёриён гузаронида шудааст.
Теъдоди умумии майдончаҳои варзишӣ ба 68 адад, толорҳои варзишӣ ба 11 адад ва ҳавзҳои шиноварӣ ба 3 адад расонида шуда, бо асбобу анҷомҳои варзишӣҷиҳозонида шудаанд.
Ҷавонони ноҳия дар мусобиқаҳои варзишии ҷумҳуриявӣ ва вилоятӣ иштирок намуда, сазовори 5 медали тилло, 5 медали нуқра ва 6 медали биринҷӣ, дар маҷмуъ соҳиби 16 медал гаштаанд.
Бахши кор бо ҷавонон ва варзиши ноҳия дар давоми соли сипаришаванда аз рўи усули «Хона ба хона» бо зиёда аз 2000 оилаҳо сўҳбатҳои фардӣ гузаронидааст.
Бо мақсади рушд додани соҳаи сайёҳӣ, махсусан сайёҳии табобатию экологӣ, ташвиқу тарғиби имкониятҳои сайёҳии ноҳия ва ҷалби ҳарчи бештари сайёҳони дохилию хориҷӣ ба ноҳия, гушаҳои иттилоотии сайёҳиро ташкил намуда, дар сомонаи иҷтимоии фейсбук саҳифаи «Туризми Ховалинг» фаъол гардонида шудааст.
Дар ноҳия 2 ширкати сайёҳӣ 6 меҳмонхона, 4 мавзеъҳои сайёҳӣ, 2 тарабхона, 4 осорхона, 9 чойхона, 10 меҳмонхонаи мувақати, 2 мағозаи фурӯши армуғон, 1 маркази иттилоотии сайёҳӣ, 2 харитаи сайёҳи, 60 ёдгориҳои таърихиву фарҳангӣ ва 3 хатсайр мавҷуд буда, мавриди хизматрасонии сайёҳону меҳмонон қарор дорад.
Теъдоди сайёҳонидохилиюхориҷиибаноҳияташрифоварда 60687нафарроташкил дод, ки аз ин 60213нафарсайёҳонидохилӣва 474нафарсайёҳонихориҷӣмебошад.
Дин, танзими анъана ва ҷашну маросим:
Дар ноҳия 6 комиссияи доимамалкунанда ва 27 комиссияи ҷамъиятӣ фаъолият дошта, тибқи талаботи Қонуни ҶумҳурииТоҷикистон «Дар бораи танзими анъана ва ҷашну маросим дар Ҷумҳурии Тоҷикистон» 86 қонуншиканиҳо пешгирӣ ва 3 адад қонуншиканӣ ба қайд гирифта шудааст.
Тибқи талаботи қонунгузорӣ -хатнасури хайриявӣ, 1167 тӯйи домодию арӯсӣ, 2 тӯйи домодию арӯсии хайриявӣ, 105 маросими чил, 89 маросими сол баргузор шудааст, ки дар маҷмуъ теъдоди умумии маъракаҳо 1397 -торо ташкил дода, хароҷоти умумӣ дар онҳо 5 млн 540 ҳазор сомониро дар бар мегирад ва ба ҳар як маърака 3 ҳазору 965 сомонӣ рост меояд.
Фаъолияти 1-масҷидӣ ҷомеъи марказӣ, 2 масҷидҳои ҷомеъ ва 54 масҷидҳои панҷвақта дар доираи талаботҳои Қонуни Ҷумҳурии Тоҷикистон “Дар бораи озодии виҷдон ва иттиҳодияҳои динӣ” ба роҳ монда шуда, дар назорати сохтору мақомоти марбута қарор доранд.
Аз ноҳия, таълимоти ғайриқонунии динии шаҳрвандон дар хориҷи кишвар ба қайд гирифта нашудааст.
Вазъи нигоҳдории тартиботи ҷамъиятӣ:
Тибқи маълумоти шуъбаи Вазорати корҳои дохилӣ дар ноҳия, дар соли ҷорӣ 92 ҷиноят ба қайд гирифта шудааст, ки нисбати ҳамин давраи соли гузашта 4 ҷиноят зиёд мебошад. Аз 92 ҷиноятҳои бақайд гирифташуда 90 ҷиноят кушода шудааст, ки 97,8 фоизро ташкил медиҳад.Аз ҷиноятҳои ба қайд гирифташуда 21/30 адад ба ҷавонон рост меояд.
Муроҷиати шаҳрвандон ва коргузорӣ:
Дар соли 2023 ба мақомоти иҷроияи ҳокимияти давлатии ноҳия 1544 нафар шаҳрванд, аз ин 1142 нафар тариқи хаттӣ ва 402 нафар тариқи шифоҳӣ муроҷиат намудаанд, ки нисбат ҳамин давраи соли гузашта 280 нафар кам гардида, 7 адад ба воситаи мақомоти болоӣ ворид гардидааст, ки ин нишондод дар соли гузашта 27 ададро ташкил медод.
Аз шумораи умумии 1142 нафар муроҷиати хаттӣ, ба 1118 нафар ҷавоби қаноатбахш гардонида шуда, муроҷиати 24 нафар дар истеҳсолот қарор дорад.
Оид ба ҷашни 35-солагии Истиқлолияти давлатии Ҷумҳурии Тоҷикистон:
Бо мақсади таъмини иҷрои Амри Президенти Ҷумҳурии Тоҷикистон ҷиҳати омодагӣ ба ҷашни 35-солагии Истиқлолияти давлатии Ҷумҳурии Тоҷикистон мутобиқи Барномаи рушди корҳои ободониву бунёдкориҳо дар ноҳия барои давраи солҳои 2022-2026 сохтмони 211 адад иншоотҳои таъйиноти гуногунро дар назар дошта шудааст, ки ба санаи 1 январи соли 2024, 74 адад биною иншоотҳо сохта ба истифода додашудаанд.
Бояд зикр кард, ки бинои Маркази ташхису табобат, коргоҳҳои истеҳсоли маҳсулотҳои қаннодӣ ва мевахушккунӣ, биноҳои Комиссариати ҳарбии ноҳия ва осорхона дар маркази ноҳия бо иштироки бевоситаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мавриди баҳрабардорӣ қарор дода шуданд.
Инчунин, бинои ҷамоати деҳоти Шугнов ва синфхонаи иловагӣ дар назди муассисаи таҳсилоти умумии асосии №50, бозорчаи афсонавӣ дар деҳаи Шехмизони ҷамоати деҳоти Ҷомбахт, ошхона ва хобгоҳи донишҷуён дар назди Колеҷи тиббии хусусӣ аз тарафи ҳайати ҳамроҳон ба истифода дода шуданд.
Дар арафаи ҷашни 32 солагии Истиқлолияти давлатии Ҷумҳурии Тоҷикистон бунгоҳи тиббӣ дар деҳаи Таги ҷар, маркази савдо ва хизматрасонӣ дар ҷамоати шаҳрак ва синфхонаҳои иловагӣ дар назди муасссисаи таълимии деҳаи Оби шури ҷамоати деҳоти Шугнов бо тантана кушода шуданд.
Дар ҳамин замина, сохтмони иншоотҳои Беморхонаи марказӣ, бозори марказии ноҳия, Қасри фарҳанг, бинои маъмурии шуъбаи Агентии суғуртаи иҷтимоӣ ва нафақа, ва бунгоҳи тиббӣ дар деҳаи Боғча бо маром идома доранд.
Мақомоти иҷроияи ҳокимияти давлатии ноҳия баҳри сазовору арзанда таҷлил намудани ҷашни 35-солагии Истиқлолияти давлатии Ҷумҳурии Тоҷикистон ва таъмини шароити арзандаи зиндагӣ ба аҳолӣ аз тамоми шароиту имкониятҳои мавҷуда самаранок истифода менамояд.
